શંભુ સિંહ, ભાવનગર
મુસાફરોની સુવિધા માટે રેલવે પ્રશાસન દ્વારા ભાવનગર ડિવિઝનના ભાવનગર ટર્મિનસથી હૈદરાબાદ સુધી સાપ્તાહિક વિશેષ ટ્રેન દોડાવવામાં આવી રહી છે. ભાવનગર ડિવિઝનના ડિવિઝનલ કોમર્શિયલ મેનેજર શ્રી અતુલ કુમાર ત્રિપાઠીના જણાવ્યા મુજબ આ સ્પેશિયલ ટ્રેનની વિગતવાર વિગતો નીચે મુજબ છેઃ
ટ્રેન નંબર 07062 ભાવનગર – હૈદરાબાદ વીકલી સમર સ્પેશિયલ ટ્રેન ભાવનગર ટર્મિનસ સ્ટેશનથી દર રવિવારે સવારે 10.15 કલાકે ઉપડે છે અને બીજા દિવસે સોમવારે સાંજે 16.45 કલાકે હૈદરાબાદ સ્ટેશન પહોંચે છે. આ ટ્રેન ભાવનગર ટર્મિનસ સ્ટેશનથી 01.06.2025 સુધી ચાલશે.
તેવી જ રીતે ટ્રેન નં. 07061 હૈદરાબાદ-ભાવનગર વીકલી સમર સ્પેશિયલ ટ્રેન દર શુક્રવારે હૈદરાબાદ સ્ટેશનથી 19.00 કલાકે ઉપડે છે અને રવિવારે સવારે 05.55 કલાકે ભાવનગર ટર્મિનસ પહોંચે છે. આ ટ્રેન હૈદરાબાદ સ્ટેશનથી 30.05.2025 સુધી ચાલશે.
આ ટ્રેનમાં સેકન્ડ એસી, સ્લીપર અને જનરલ કોચ શામેલ છે. આ ટ્રેન સિહોર, સોનગઢ, ધોળા, બોટાદ, સુરેન્દ્રનગર ગેટ, વિરમગામ, સાબરમતી, વડોદરા, સુરત, નંદુરબાર, ભુસાવલ, અકોલા, વાશીમ, હિંગોલી, બસમત, પૂર્ણા જંકશન, નાંદેડ, મુદખેડ જંક્શન, બાસર, નિઝામાબાદ, કામારેડ્ડી, મેડચલ અને સિકંદરાબાદ સ્ટેશનો પર બંને દિશામાં ઉભી રહે છે.
ઉપરોક્ત બંને ટ્રેનોની ટિકિટ બુકિંગ શરૂ થઈ ગઈ છે. આ ટ્રેનના સ્ટોપેજ, રચના અને સમય સંબંધિત વિગતવાર માહિતી માટે, મુસાફરો કૃપા કરીને વેબસાઇટ www.enquiry.indianrail.gov.in ની મુલાકાત લઈ શકે છે.
