રાજ્યમાં 17 તલાટી-મંત્રીઓની ભાવનગર જિલ્લામાં નિમણૂક: નવારતનપરના નવા તલાટી-મંત્રી તરીકે પ્રદીપ મહેતા હાજર: વર્તમાન તલાટી-મંત્રી દલસુખ જાની ટૂંક સમયમાં ચાર્જ સોંપીને ચાર્જ છોડશે

​

​

​ધ ગ્રેટ વર્લ્ડ, ભાવનગર

​ગુજરાત રાજ્યના પંચાયત ગ્રામ ગૃહ નિર્માણ અને ગ્રામ વિકાસ વિભાગના આદેશ અનુસાર, રાજ્યભરમાં તલાટી કમ મંત્રીઓની આંતર જિલ્લા બદલીઓની પ્રક્રિયા હાથ ધરવામાં આવી છે. આ પ્રક્રિયાના ભાગરૂપે ભાવનગર જિલ્લા પંચાયત હસ્તક બદલી પામીને આવેલા તલાટીઓની નિમણૂકના હુકમો જિલ્લા વિકાસ અધિકારી દ્વારા કરવામાં આવ્યા છે.

​નવારતનપર ગ્રામ પંચાયતમાં નવા તલાટીની એન્ટ્રી

આ હુકમો અન્વયે, ભાવનગર તાલુકાના નવારતનપર ગામના તલાટી કમ મંત્રી તરીકે પ્રદીપ દિનેશભાઈ મહેતાની નિમણૂક થતા તેઓ આજે પ્રથમવાર ફરજ પર હાજર થયા હતા. તેમની સાથે હાલના તલાટી કમ મંત્રી દલસુખ જાની પણ ઉપસ્થિત રહ્યા હતા. હાલમાં બંને અધિકારીઓ વચ્ચે ‘ચાર્જ સોંપણી’ની વહીવટી પ્રક્રિયા ગતિમાં છે. ઉલ્લેખનીય છે કે, દલસુખ જાનીની પણ અન્યત્ર બદલી થઈ હોવાથી, તેઓ આગામી સમયમાં ચાર્જ સોંપીને પોતાના નવા નિયત સ્થાને પ્રસ્થાન કરશે, જોકે પ્રક્રિયા પૂર્ણ ન થાય ત્યાં સુધી તેઓ નવા રતનપર ગ્રામ પંચાયતમાં કાર્યરત રહેશે.

​અન્ય તલાટીઓની બદલીની વિગતો

ભાવનગર જિલ્લામાં કુલ 17 તલાટી કમ મંત્રીઓ અન્ય જિલ્લાઓમાંથી હાજર થયા છે. જેમાં મુખ્યત્વે અમરેલી અને ભરૂચ જિલ્લામાંથી બદલી પામીને આવેલા કર્મચારીઓનો સમાવેશ થાય છે. નિમણૂક પામેલા અન્ય તલાટીઓની વિગત નીચે મુજબ છે:

• ​આસ્થાબેન કેતનભાઈ: અમરેલીથી રૂપાવટી, ખસીયા (તા. ગારીયાધાર).

• ​ભુમિબેન ભોજાભાઈ વેગડ: અમરેલીથી પાણીયાળી, ભેંસવડી (તા. તળાજા).

• ​જીતેન્દ્રકુમાર પ્રેમજીભાઈ ધાંધલ્યા: અમરેલીથી પીપરડી (તા. શિહોર).

• ​નિકેતનભાઈ ભાનુશંકરભાઈ ભટ્ટ: અમરેલીથી હળીયાદ (તા. વલ્લભીપુર).

• ​કિશોરભાઈ અરજણભાઈ યાદવ: અમરેલીથી કંટાસર, ચોકવા (તા. મહુવા).

• ​મનોજકુમાર બાલાશંકર લાધવા: અમરેલીથી નસીતપુર (તા. વલ્લભીપુર).

• ​રામશંકરભાઈ સડુભાઈ રમણા: અમરેલીથી બેલા, સમઢીયાળા (તા. તળાજા).

• ​વીરાભાઈ પોપટભાઈ સાંસલા: અમરેલીથી બીલડી (તા. મહુવા).

• ​ભાવસિંહ જનકસિંહ વાળા: અમરેલીથી બોરડી, થોરાળા (તા. મહુવા).

• ​વિવેક શરદભાઈ બારૈયા: અમરેલીથી રાજપરા (ખો), ખાખરીયા (તા. શિહોર).

• ​જયદેવસિંહ ઘનશ્યામસિંહ ગોહિલ: અમરેલીથી દડવા (તા. ઉમરાળા).

• ​કરણભાઈ કનુભાઈ ડોડીયા: અમરેલીથી નવા-જુના લોઇચડા (તા. પાલીતાણા).

• ​શૈલેષકુમાર નૌતમભાઈ પનોત: અમરેલીથી બજુડ (તા. ઉમરાળા).

• ​જયદેવભાઈ પ્રાગજીભાઈ પરમાર: ભરૂચથી મોટીવાવડી (તા. ગારીયાધાર).

• ​કાજલબેન પાંચાભાઈ બારૈયા: અમરેલીથી આંકોલાળી, જાળીયા (તા. પાલીતાણા).

• ​કિરણબેન સુરસંગભાઈ યાદવ: અમરેલીથી વીરપુર (પાલી), જામવાળી (તા. પાલીતાણા).

​આ તમામ કર્મચારીઓને જે-તે તાલુકાના વડાઓ દ્વારા પગાર ભથ્થા અને સેવાપોથીને લગતી આનુષંગિક કાર્યવાહી સત્વરે પૂર્ણ કરવા આદેશ આપવામાં આવ્યો છે.