– એનિમલ કેરના કાર્યકરોની જહેમત સફળ –
જામ ખંભાળિયા, તા. ૨૮-૦૧-૨૦૨૫
ખંભાળિયા તાલુકાના સેઢા ભાડથર ગામના વાડી વિસ્તારમાં ત્રણેક દિવસથી શિયાળ કૂવામાં પડી ગયું હોય, આ અંગેની જાણ સ્થાનિક ખેડૂતો દ્વારા અહીંની જાણીતી પશુ સેવા સંસ્થા એનિમલ કેર ચેરીટેબલ ટ્રસ્ટને કરવામાં આવી હતી. જે સંદર્ભે સંસ્થાના સભ્યો દેસુર ધમા, હિરેન ગોસ્વામી અને અજય સરઠિયા તાત્કાલિક આ સ્થળે દોડી ગયા હતા. અહીં લાંબી જહેમત બાદ શિયાળનું સફળતાપૂર્વક રેસ્ક્યુ કરી અને તેને નવજીવન અપાયું હતું.
(ફોટો:- કુંજન રાડિયા)
