કેનેડાનાં આલ્બર્ટા રાજ્યનાં એડમન્ટન શહેરમાં ગરવી ગુજરાત એશોશિએશન અને
અપના મિલવુડ સિનિયર્સ એશોશિએશનના સંયુકત ઉપક્રમે
કેન્સર સોસાયટી ઓફ આલ્બર્ટાના લાભાર્થે જગદીશ ત્રિવેદીનો “ રામ દરબાર “યોજાયો હતો.
ઈન્ડીયા કાઉન્સિલ હોલ ખાતે યોજાયેલા આ કાર્યક્રમમાં આશરે ૩૫૦ લોકોએ સાંજના 7 થી 10 રામાયણના પ્રેરણાદાયી પ્રસંગોની સંગીતમય પ્રસ્તુતિ માણી હતી. ભારતમાં રામદરબારનાં સાત જેટલાં સફળ કાર્યક્રમો બાદ નોર્થ અમેરિકામાં આ પ્રથમ પ્રયોગ હતો.
એડમન્ટનની કેન્સર સોસાયટી ઓફ આલ્બર્ટાનાં લાભાર્થે યોજાયેલા આ કાર્યક્રમમાં કુલ 20,000 કેનેડિયન ડોલર એટલે આશરે 12.50 લાખ રૂપિયાનું દાન એકત્ર થયું હતું.
સાંજે 6 થી 7 સૌએ ભોજન લીધું અને રામદરબાર પુરો થયાં બાદ રાત્રે ૧૦.૩૦ વાગે સમુહઆરતી બાદ સૌ શીરાનો પ્રસાદ લઈ છુટ્ટા પડ્યા હતા.
આ સાથે છે રામદરબારની થોડી તસવીરો:
