ધ ગ્રેટ વર્લ્ડ, મુંબઈ
ભારતીય શેરબજારમાં આજે ભારે તેજી જોવા મળી હતી. બેંકિંગ, આઈટી અને રિયલ્ટી સેક્ટરના શેરોમાં થયેલી જોરદાર ખરીદીને કારણે સેન્સેક્સ અને નિફ્ટીએ પોતાની સર્વોચ્ચ સપાટી પાર કરી છે. બજાર બંધ થવા સમયે સેન્સેક્સમાં મોટો ઉછાળો નોંધાયો હતો, જેના કારણે રોકાણકારોની સંપત્તિમાં લાખો કરોડો રૂપિયાનો વધારો થયો છે. બજારના નિષ્ણાંતોના મતે, ભારતના મજબૂત આર્થિક ડેટા અને વિદેશી રોકાણકારોના સતત વિશ્વાસને કારણે આ તેજી જોવા મળી રહી છે. ખાસ કરીને રિઝર્વ બેંકના આગામી નિર્ણયો અને જીડીપી વૃદ્ધિના સકારાત્મક અંદાજોએ બજારના સેન્ટિમેન્ટને બળ આપ્યું છે. નાની અને મધ્યમ કેપની કંપનીઓના શેરોમાં પણ આજે સારો દેખાવ જોવા મળ્યો હતો.
