ધ ગ્રેટ વર્લ્ડ, નવી દિલ્હી
ભારત અને સાયપ્રસ વચ્ચેના ઐતિહાસિક અને આર્થિક સંબંધોને એક નવી ઊંચાઈ પર લઈ જવા માટે સાયપ્રસના રાષ્ટ્રપતિ નિકોસ ક્રિસ્ટોડોલાઇડ્સ એક ઉચ્ચ સ્તરીય પ્રતિનિધિમંડળ સાથે ભારતની સત્તાવાર મુલાકાતે નવી દિલ્હી આવી પહોંચ્યા છે. આ મહત્વપૂર્ણ પ્રવાસ દરમિયાન બંને દેશો વચ્ચે દ્વિપક્ષીય વ્યાપાર, ટેકનોલોજીનું આદાનપ્રદાન, સંરક્ષણ ક્ષેત્રે સહયોગ અને રોકાણના મુદ્દાઓ પર વિસ્તૃત ચર્ચા હાથ કરવામાં આવનાર છે. સાયપ્રસ લાંબા સમયથી ભારત માટે યુરોપિયન યુનિયનમાં પ્રવેશવાનું મોટું પ્રવેશદ્વાર રહ્યું છે અને ભારતીય ઉદ્યોગપતિઓ માટે ત્યાં રોકાણની વિપુલ તકો રહેલી છે. નવી દિલ્હી ખાતે આયોજિત ખાસ બેઠકમાં બંને દેશોના વડાઓ વિવિધ આર્થિક કરારો પર હસ્તાક્ષર કરશે તેવી સંભાવના છે. ખાસ કરીને મેરીટાઇમ સિક્યુરિટી અને સાયબર સુરક્ષાના ક્ષેત્રમાં સંયુક્ત કામગીરી કરવા અંગે કરાર થઈ શકે છે. આ પ્રવાસથી ભારત અને સાયપ્રસ વચ્ચેના રાજદ્વારી સંબંધો વધુ મજબૂત બનશે અને યુરોપના બજારમાં ભારતની પકડ વધુ મજબૂત થશે. સંરક્ષણ મંત્રાલયના સત્તાવાર સૂત્રોના જણાવ્યા મુજબ આ મુલાકાતથી બંને દેશોના વ્યૂહાત્મક હિતોનું રક્ષણ થશે.