ધી ગ્રેટ વર્લ્ડ, લોસ એન્જલસ. ૨૫ મે ૨૦૨૬
અમેરિકાના દક્ષિણ કેલિફોર્નિયામાં આવેલી એક પ્રખ્યાત એરોસ્પેસ ફેક્ટરીમાં રાત્રિના સમયે અચાનક ઝેરી કેમિકલ લીક થવાની મોટી ઘટના પ્રકાશમાં આવી છે. આ ફેક્ટરીમાં પ્લેન અને સ્પેસક્રાફ્ટના પ્લાસ્ટિક અને ફાઈબરના ભાગો બનાવવામાં આવતા હતા, જેમાં અત્યંત જ્વલનશીલ રસાયણોનો ઉપયોગ થતો હતો. રસાયણની મુખ્ય ટાંકીમાં અચાનક પ્રેશર વધી જવાને કારણે ગેસ અને પ્રવાહી લીક થવાનું શરૂ થયું હતું, જેના લીધે ફેક્ટરી અને તેની આસપાસના વિસ્તારોમાં તીવ્ર દુર્ગંધ ફેલાઈ ગઈ હતી. ઝેરી વાયુ શ્વાસમાં જવાથી કેટલાક કર્મચારીઓની તબિયત લથડતા તેમને તાત્કાલિક નજીકની સારવાર કેન્દ્રમાં ખસેડવામાં આવ્યા છે.
ઘટનાની ગંભીરતાને જોતા સ્થાનિક ફાયર વિભાગ અને હેઝાર્ડસ મટીરીયલ (Hazmat) ની ટીમો ઘટનાસ્થળે પહોંચી ગઈ હતી. કેમિકલ લીકેજને કારણે ફેક્ટરીમાં મોટો વિસ્ફોટ થવાનો અને આગ ફેલાવવાનો મોટો ખતરો ઉભો થયો હતો. આ જોખમને ધ્યાનમાં રાખીને વહીવટીતંત્રે ફેક્ટરીની આસપાસના પાંચ કિલોમીટરના વિસ્તારમાં રહેતા હજારો સ્થાનિક રહેવાસીઓને તાત્કાલિક પોતાના ઘર ખાલી કરીને સુરક્ષિત સ્થળે જતા રહેવા માટે રેડ એલર્ટ જાહેર કર્યું છે. સુરક્ષા એજન્સીઓ દ્વારા માઇક અને ઇમરજન્સી સાયરન વગાડીને લોકોને સ્થળાંતર કરવામાં આવી રહ્યું છે. વાતાવરણમાં કેમિકલની અસર ઓછી કરવા માટે ખાસ કેમિકલ ન્યુટ્રલાઈઝર સ્પ્રેનો ઉપયોગ કરવામાં આવી રહ્યો છે, પરંતુ પરિસ્થિતિ હજુ પણ સંપૂર્ણ નિયંત્રણમાં આવી નથી.
