ધી ગ્રેટ વર્લ્ડ, તેહરાન. ૨૫ મે ૨૦૨૬
પશ્ચિમ એશિયામાં વધી રહેલા ભારે સૈન્ય તણાવ અને યુદ્ધની સ્થિતિ વચ્ચે એક અત્યંત ચોંકાવનારા સમાચાર સામે આવી રહ્યા છે. અમેરિકી ગુપ્તચર એજન્સીઓના આંતરિક અહેવાલોને ટાંકીને આંતરરાષ્ટ્રીય મીડિયામાં દાવો કરવામાં આવ્યો છે કે ઈરાનના સર્વોચ્ચ ધાર્મિક અને રાજકીય નેતા મોજતબા ખામેનેઈને ભારે સુરક્ષા વચ્ચે કોઈ અજ્ઞાત અને અત્યંત ગુપ્ત સ્થળે ખસેડવામાં આવ્યા છે. ઇરાન પર સંભવિત વિદેશી હવાઈ હુમલા અથવા આંતરિક બળવાની આશંકાઓને ધ્યાનમાં રાખીને ઇરાનની કમાન્ડો ફોર્સે આ કડક પગલું ભર્યું હોવાનું મનાય છે. હાલમાં તેમના લોકેશન અંગે કોઈ સત્તાવાર માહિતી બહાર પાડવામાં આવી નથી.
રિપોર્ટ અનુસાર, મોજતબા ખામેનેઈનો બહારની દુનિયા અને સામાન્ય વહીવટીતંત્ર સાથેનો સીધો સંપર્ક પણ હાલ પૂરતો મર્યાદિત કરી દેવામાં આવ્યો છે, જેથી તેમની સુરક્ષામાં કોઈ ખામી ન રહી જાય. તેઓ માત્ર ડિજિટલ અને અત્યંત સુરક્ષિત સેટેલાઇટ નેટવર્ક દ્વારા જ સેનાના વરિષ્ઠ કમાન્ડરો સાથે વાતચીત કરી રહ્યા છે. ઈરાન સરકાર તરફથી આ અહેવાલો અંગે હજુ સુધી કોઈ સત્તાવાર પુષ્ટિ કે ખંડન કરવામાં આવ્યું નથી, પરંતુ તેહરાનના સરકારી ભવનોની આસપાસ લશ્કરી ગતિવિધિઓ અને એન્ટી-એરક્રાફ્ટ મિસાઈલ સિસ્ટમ્સની તૈનાતી અચાનક વધી ગઈ છે. આ ઘટનાક્રમ દર્શાવે છે કે ઈરાનની અંદર પાવર સેન્ટરમાં ભારે હલચલ ચાલી રહી છે અને આગામી દિવસોમાં મધ્ય પૂર્વના રાજકારણમાં કોઈ મોટો વળાંક આવી શકે છે.
