મોંઘવારી અને વ્યાપારિક નિયંત્રણો સામે પાકિસ્તાની વેપારીઓનું દેશવ્યાપી આંદોલનનું અલ્ટીમેટમ

ધ ગ્રેટ વર્લ્ડ, જૂન: 2

પાકિસ્તાનમાં સતત વધી રહેલી મોંઘવારી, ઊંચા વીજ દરો અને બજારો પર લાદવામાં આવેલા સમય મર્યાદાના કડક નિયંત્રણોને કારણે દેશના વેપારી સંગઠનોમાં ભારે આક્રોશ ફાટી નીકળ્યો છે. સેન્ટ્રલ એસોસિએશન ઓફ ટ્રેડર્સના પ્રમુખ દ્વારા સરકારને કડક ચેતવણી આપવામાં આવી છે કે જો બજારોને વહેલા બંધ કરવાના રાત્રિ લોકડાઉનના નિયમો કાયમી ધોરણે નાબૂદ કરવામાં નહીં આવે, તો સમગ્ર પાકિસ્તાનમાં ઉગ્ર દેશવ્યાપી આંદોલન શરૂ કરવામાં આવશે.
અગાઉ આંતરરાષ્ટ્રીય તણાવ અને મોંઘા આયાતી ઇંધણની બચત કરવા માટે સરકારે રાત્રે ૮ વાગ્યા સુધીમાં બજારો અને મોલ બંધ કરવાનો આદેશ આપ્યો હતો. જો કે, વેપારીઓનું કહેવું છે કે ઉનાળાની આકરી ગરમીમાં લોકો રાત્રે ૭ વાગ્યા પછી જ ખરીદી માટે બહાર નીકળે છે, તેથી આ કાયદો સ્થાનિક વ્યાપારને સંપૂર્ણપણે બરબાદ કરી રહ્યો છે. ફુગાવા અને ઊંચા ટેક્સને કારણે પહેલેથી જ કરોડો લોકોની ખરીદશક્તિ ઘટી ગઈ છે, ત્યારે જો સરકાર આ આકરા નિયમો પાછા નહીં ખેંચે તો કરાચી, લાહોર અને ઇસ્લામાબાદ સહિતના તમામ મોટા શહેરોમાં બજારો બંધ રાખીને પ્રદર્શનો કરવામાં આવશે.

vu