ધ ગ્રેટ વર્લ્ડ, ગાંધીનગર
ગુજરાત સરકારે આજે રાજ્યના 9 લાખથી વધુ કર્મચારીઓ અને પેન્શનરો માટે દિવાળી જેવો માહોલ સર્જ્યો છે. કેબિનેટ બેઠકમાં લેવાયેલા નિર્ણય મુજબ, સરકારી કર્મચારીઓના મોંઘવારી ભથ્થા (DA) માં 4% નો વધારો કરવાની જાહેરાત કરવામાં આવી છે. આ વધારો 1 જાન્યુઆરી, 2026 થી પૂર્વવર્તી અસરે લાગુ કરવામાં આવશે. આ નિર્ણયથી રાજ્યની તિજોરી પર વાર્ષિક રૂ. 1,200 કરોડનો વધારાનો બોજ પડશે. કર્મચારી મંડળોએ આ નિર્ણયને આવકાર્યો છે અને સરકારનો આભાર માન્યો છે. આ વધારા સાથે હવે ગુજરાતના કર્મચારીઓનું મોંઘવારી ભથ્થું કેન્દ્ર સરકારના સ્તરે પહોંચી ગયું છે. મે મહિનાના પગારમાં આ એરિયર્સની રકમ ઉમેરાઈને આવશે, જેનાથી કર્મચારીઓની આર્થિક સ્થિતિમાં સુધારો થશે.
