ધ ગ્રેટ વર્લ્ડ, મુંબઈ, ૨ જૂન:
ક્રિકેટના દિવાના એવા અમિતાભ બચ્ચને તાજેતરમાં જ આઈપીએલ (IPL 2026) માં ધમાકેદાર પ્રદર્શન કરનારા ૧૫ વર્ષના યુવા સ્ટાર બેટ્સમેન વૈભવ સૂર્યવંશીની મુક્તમને પ્રશંસા કરી છે. વૈભવે ક્વોલિફાયર મેચોમાં રાજસ્થાન રોયલ્સ તરફથી રમતા માત્ર ૩૭ બોલમાં ૧૦૩ રન અને ત્યારબાદ ૯૬ રનની વિસ્ફોટક ઇનિંગ્સ રમીને આખા ક્રિકેટ જગતને ચોંકાવી દીધું છે.
બિગ બીએ મોડી રાત્રે એક્સ (ટ્વિટર) પર પોસ્ટ શેર કરતા લખ્યું કે, “સૂર્યવંશી – ૧૫ વર્ષની ઉંમરનો અદભુત સૂર્યા! આ ઉંમરે તો અમે લખોટી અને ગિલ્લી-દંડા પણ સરખી રીતે રમી નહોતા શકતા.” અમિતાભ બચ્ચનની આ પોસ્ટ ઈન્ટરનેટ પર ભારે વાયરલ થઈ રહી છે. બિગ બી હંમેશા દેશની નવી પેઢીની પ્રતિભાને પ્રોત્સાહિત કરવા માટે જાણીતા છે, અને તેમની આ ટીપ્પણીએ યુવા ક્રિકેટર વૈભવનો ઉત્સાહ બમણો કરી દીધો છે.
