ધ ગ્રેટ વર્લ્ડ, તેલ અવીવ
ઈઝરાયેલની એક અદાલતે ગાઝા જઈ રહેલા માનવતાવાદી સહાયના જહાજ (ફ્લોટિલા) માંથી પકડાયેલા બે વિદેશી કાર્યકરોની અટકાયતમાં વધુ છ દિવસનો વધારો કર્યો છે. સ્પેનિશ નાગરિક સૈફ અબુ કેશેક અને બ્રાઝિલિયન કાર્યકર થિયાગો એવિલાને ગયા અઠવાડિયે ઈઝરાયેલના નૌકાદળે સમુદ્રમાંથી અટકાયતમાં લીધા હતા. આ કાર્યકરો ‘ગ્લોબલ સુમુદ ફ્લોટિલા’નો હિસ્સો હતા, જેનો હેતુ ગાઝા પટ્ટી પરના ઈઝરાયેલના નાકાબંધીને પડકારવાનો અને ત્યાંના રહેવાસીઓને દવાઓ પહોંચાડવાનો હતો.
આશકેલોન શહેરની મેજિસ્ટ્રેટ કોર્ટે પોલીસની દલીલને ગ્રાહ્ય રાખી છે કે વધુ પૂછપરછ માટે આ કાર્યકરોની કસ્ટડી જરૂરી છે. બીજી તરફ, માનવાધિકાર સંગઠનો અને સ્પેન તથા બ્રાઝિલની સરકારોએ આ ધરપકડની ટીકા કરી છે. બચાવ પક્ષના વકીલોનું કહેવું છે કે આ કાર્યકરો માત્ર શાંતિપૂર્ણ રીતે સહાય પહોંચાડવા માંગતા હતા અને તેમની અટકાયત ગેરકાયદેસર છે. આ ઘટનાને કારણે યુરોપિયન દેશો અને ઈઝરાયેલ વચ્ચેના રાજદ્વારી સંબંધોમાં ફરી એકવાર ખટાશ આવવાની શક્યતા છે. ગાઝામાં સતત વણસતી જતી માનવીય સ્થિતિ વચ્ચે આ આંતરરાષ્ટ્રીય વિવાદ વધુ ઘેરો બન્યો છે.
