ધ ગ્રેટ વર્લ્ડ, હાલોલ
પંચમહાલ જિલ્લાના હાલોલ પાસે આજે વહેલી સવારે એક ખાનગી લક્ઝરી બસ પલટી જતાં મોટી દુર્ઘટના સર્જાઈ છે. આ બસ સુરતથી પાવાગઢ દર્શન કરવા માટે જઈ રહેલા યાત્રિકોથી ભરેલી હતી. મળતી માહિતી મુજબ, ડ્રાઈવરે સ્ટીયરીંગ પરથી કાબૂ ગુમાવતા બસ રોડની સાઈડમાં ઉતરી ગઈ હતી અને પલટી ખાઈ ગઈ હતી. આ અકસ્માતમાં 2 શ્રદ્ધાળુઓના ઘટનાસ્થળે જ કરૂણ મોત નીપજ્યા છે, જ્યારે 15 થી વધુ લોકો ગંભીર રીતે ઘાયલ થયા છે. ઘાયલોને તાત્કાલિક ગોધરા અને વડોદરાની હોસ્પિટલોમાં ખસેડવામાં આવ્યા છે. સ્થાનિક લોકો અને પોલીસે ઘટનાસ્થળે પહોંચી બચાવ કામગીરી હાથ ધરી હતી. મુખ્યમંત્રીએ આ ઘટના અંગે શોક વ્યક્ત કર્યો છે અને મૃતકોના પરિવારજનોને સહાયની જાહેરાત કરી છે.
