ધ ગ્રેટ વર્લ્ડ,ભાવનગર
આંતરરાષ્ટ્રીય મજૂર દિવસના અવસરે પશ્ચિમ રેલવે મહિલા કલ્યાણ સંગઠન, ભાવનગર મંડળ દ્વારા તારીખ 05 મે, 2026 (મંગળવાર)ના રોજ ઓફિસર ક્લબ, ભાવનગર પરા ખાતે રેલવે કર્મચારીઓના સન્માન માટે એક ગૌરવપૂર્ણ કાર્યક્રમનું આયોજન કરવામાં આવ્યું હતું.
કાર્યક્રમનો શુભારંભ સંગઠનની અધ્યક્ષા શ્રીમતી શાલિની વર્મા દ્વારા દીપ પ્રજ્વલન કરીને કરવામાં આવ્યો. કાર્યક્રમની અધ્યક્ષતા કરતાં તેમણે મંડળના 50 ઉત્કૃષ્ટ કર્મચારીઓને ભેટ અર્પણ કરીને સન્માનિત કર્યા.
તેમના સંબોધનમાં શ્રીમતી વર્માએ જણાવ્યું કે રેલવેના કર્મચારીઓ મુશ્કેલ પરિસ્થિતિઓમાં પણ સંપૂર્ણ સમર્પણ અને ફરજ પ્રત્યેની નિષ્ઠા સાથે ટ્રેનોનું સંચાલન સુનિશ્ચિત કરે છે, જે અત્યંત પ્રશંસનીય છે. તેમણે કર્મચારીઓના યોગદાનને સંગઠનની સફળતાનું આધાર ગણાવી તેમના ઉજ્જવળ ભવિષ્ય માટે શુભેચ્છાઓ પાઠવી.
કાર્યક્રમ દરમિયાન સન્માનિત કર્મચારીઓએ પણ પોતાના સેવા અનુભવ વહેંચ્યા, જેના કારણે સમગ્ર વાતાવરણ પ્રેરણાદાયક અને ઉત્સાહવર્ધક બન્યું.
આ અવસરે પશ્ચિમ રેલવે મહિલા કલ્યાણ સંગઠન, ભાવનગર મંડળની સચિવ, ખજાનચી સહિત અન્ય સભ્યો પણ ઉપસ્થિત રહ્યા હતા.
