ખંભાળિયામાં પ્રભારી મંત્રી કુંવરજીભાઇ બાવળિયાના હસ્તે દેવભૂમિ દ્વારકા જિલ્લાની ‘વિકાસ વાટિકા’ પુસ્તિકાનું વિમોચન

જામ ખંભાળિયા, તા. ૦૪-૦૬-૨૦૨૬

      દેવભૂમિ દ્વારકા જિલ્લાના વિકાસ કાર્યોની ઝાંખી દર્શાવતી જિલ્લા વિકાસ વાટિકા પુસ્તિકાનું વિમોચન ખંભાળિયા ખાતે યોજાયેલી આયોજન મંડળની બેઠકમાં જિલ્લાના પ્રભારી મંત્રી અને રાજ્યના શ્રમ, કૌશલ્ય વિકાસ અને રોજગાર, ગ્રામ વિકાસ વિભાગના મંત્રી કુંવરજીભાઈ બાવળિયા તેમજ જિલ્લા પંચાયતના નવનિયુક્ત પ્રમુખ ગૌરીબેન હાથિયાના હસ્તે કરાયું હતું.

         જિલ્લા માહિતી કચેરી દ્વારા સંપાદિત અને જિલ્લા આયોજન અધિકારીની કચેરી દ્વારા સંકલિત કરાયેલી જિલ્લા વહીવટી તંત્ર દ્વારા પ્રકાશિત ‘વિકાસ વાટિકા’ પુસ્તિકામાં વર્ષ 2825-26માં જિલ્લામાં વિવિધ વિભાગો દ્વારા હાથ ધરાયેલા વિવિધ વિકાસ કાર્યોને આલેખવામાં આવ્યા છે. આ ઉપરાંત જિલ્લાનો સંક્ષિપ્ત ઈતિહાસ, પ્રવાસન સ્થળો, લોકમેળાઓ, સાંસ્કૃતિક વનોની માહિતી અને જિલ્લામાં થયેલા વિવિધ લોકાર્પણ, ખાતમુહૂર્ત, વિકાસ કાર્યોના અહેવાલોનો સમાવેશ કરવામાં આવ્યો છે. આ પુસ્તિકા દેવભૂમિ દ્વારકા જિલ્લાના નાગરિકો માટે ઉપયોગી બની રહેશે. 

      વિકાસ વાટિકા વિમોચન પ્રસંગે ઈનચાર્જ જિલ્લા વિકાસ અધિકારી એચ.પી. જોશી, ધારાસભ્ય મુળુભાઈ બેરા તથા હેમંતભાઈ ખવા, જિલ્લા આયોજન અધિકારી ઝેડ.એ. બારૈયા, તાલુકા પંચાયત પ્રમુખ અને અન્ય પદાધિકારીઓ અને અગ્રણીઓ સહિતના અધિકારીઓ, કર્મચારીઓ ઉપસ્થિત રહ્યા હતા.

_____________________________________________________________________________

(ફોટો: કુંજન રાડિયા)