જામ ખંભાળિયા, તા. ૦૫-૦૫-૨૦૨૫
ઓખામાં માછીમારી કરવા માટે ફિશિંગ વિભાગમાંથી ટોકન મેળવ્યા વગર ફિશીંગ કરવા ગયેલા શકુર અબ્દુલભાઈ શેખ (ઉ.વ. 45) અને સલીમ ફકીરાભાઈ ઉચાણી (ઉ.વ. 40) નામના બે માછીમારોને પોલીસે કનકાઈ જેટી પાસેથી ઝડપી લઈ, આ બંને સામે ગુજરાત ફિશરીઝ એક્ટ હેઠળ ઓખા મરીન પોલીસે કાર્યવાહી કરી હતી.
અન્ય એક માછીમાર એવા સલાયા ગામના અબ્બાસ સુલેમાન સંઘાર (ઉ.વ. 35) એ સલાયા બંદર નજીક પોતાની ફિશિંગ બોટમાં માછીમારી કરવા જતા પૂર્વે પોતાની બોટમાં હોકાયંત્ર અને અન્ય જરૂરી વ્યવસ્થા ન રાખતા આ અંગે તેની સામે સલાયા પોલીસે ગુજરાત મત્સ્યોધ્યોગ અધિનિયમ હેઠળ ગુનો નોંધ્યો છે.
____________________________________________________________________________
(કુંજન રાડિયા)
