ભાણવડ
ભાણવડમાં પંચવટી વિસ્તારમાં રહેતા ધવલભાઈ નાજાભાઈ વીંઝવા નામના 30 વર્ષના યુવાન ઋષિ કોમ્પલેક્ષમાં આવેલી જોકર પાનની દુકાન પાસે હતા અને અન્ય એક યુવાન સાથે પૈસાની લેતી દેતી અંગેની વાતચીત કરી રહ્યા હતા. ત્યારે અહીં મોટા કાલાવડ ગામનો હાર્દિક વેજાભાઈ કનારા નામનો આહીર યુવાન તેમની પાસે આવ્યો હતો અને પૈસાની વ્યવહારિક લેતી દેતી બાબતે વાત આગળ વધતા આરોપી હાર્દિકએ ધવલભાઈ ઉપર છરી વડે હુમલો કરતા તેમને ખભા તથા હાથ ઉપર છરીના ઘા વાગ્યા હતા.
આ રીતે આરોપી હાર્દિક દ્વારા જાનથી મારી નાખવાના ઇરાદે છરી વડે જીવલેણ હુમલો કરવા સબબ ભાણવડ પોલીસે ધવલભાઈ નાજાભાઈની ફરિયાદ પરથી હાર્દિક વેજાભાઈ સામે બી.એન.એસ. તથા જી.પી. એક્ટની કલમ હેઠળ ગુનો નોંધી, આગળની તપાસ ડીવાયએસપી સાગર રાઠોડના વડપણ હેઠળ હાથ ધરવામાં આવી છે.
